ایک جانب جہاں دارالحکومت دہلی فضائی آلودگی سے نبرد آزما ہے۔ اس دوران غازی پور ڈمپنگ گراؤنڈ میں آگ لگنے کا واقعہ پیش آیا ہے۔
دیر رات آگ لگنے کی وجہ سے دھواں کافی دور تک پھیل چکا ہے جس سے اطراف کے لوگ کافی پریشان ہیں اور اب تک آگ پر قابو نہیں کیا جاسکا ہے۔
مسلسل دھواں خارج ہونے کے سبب یہاں کی فضأ انتہائی زہر آلود ہوتی جارہی ہے۔
مقامی لوگوں کا کہنا ہے کہ منگل کی شام کو غازی پور ڈمپنگ گراؤنڈ سے دھواں نکلنا شروع ہوا اور رات ہوتے ہوتے آگ گولے میں تبدیل ہوگئی، ڈمپنگ گراؤنڈ کے بڑے حصے پر آگ پھیل گئی ساتھ ہی دھواں کا غبار بھی بڑھتا گیا۔
لوگوں کا یہ بھی کہنا ہے کہ محکمۂ فائر بریگیڈ کو اس واقعہ کی اطلاع دی گئی اور آگ بجھانے کا کام خبر لکھے جانے تک جاری ہے۔
اس سے قبل گراؤنڈ میں جمع کوڑا کرکٹ کا پہاڑ گرنے سے دو لوگوں کی موت بھی ہوچکی ہے اس کے باوجود انتظامیہ نے اس کا کوئی حل نہیں نکالا اور اب ڈمپنگ گراؤنڈ بھی فضائی آلوگی میں اضافے کا سبب بنتے جارہا ہے۔
