دہلی: آٹو اسپیئر پارٹس کی فیکٹری میں آتشزدگی

قومی دارالحکومت دہلی میں منڈکا کے شرون پارک واقع آٹو کے کل پرزے بنانے والی فیکٹری میں آج زبردست آگ لگ گئی۔

فائر بریگیڈ کے ایک افسر نے بتایا کہ صبح 10 بجکر 37 منٹ پر آگ لگنے کی اطلاع ملی۔ اطلاع ملتے ہی موقع پر فائربریگیڈ کی 23 گاڑیوں کو روانہ کیا گیا جو آگ بجھانے میں مصروف ہیں۔

انہوں نے کہا کہ اس حادثے میں کسی جانی نقصان کی کوئی اطلاع نہیں ہے۔ آگ لگنے کی وجوہات کا فی الحال پتہ نہیں چل سکا ہے۔