دہلی: سپنا چودھری کے خلاف ایف آئی آر درج

ہریانوی ڈانسر سپنا چودھری کے خلاف دہلی پولیس کی اقتصادی جرائم ونگ میں ایونٹ مینجمنٹ کمپنی چلانے والے پون چاولا نے ایف آئی آر درج کرائی ہے جس کی دہلی پولیس تحقیقات کررہی ہے۔

دہلی: ہریانہ کی مشہور رقاصہ سپنا چودھری کے خلاف دہلی پولیس کی اقتصادی جرائم ونگ میں ایف آئی آر درج کی گئی ہے۔

شکایت کنندہ کا الزام ہے کہ سپنا چودھری نے نہ صرف ان کی کمپنی سے معاہدہ توڑا ہے، بلکہ اس نے اپنے کلائنٹ کو بھی کمپنی سے دور کرنے کا بھی کام کیا ہے۔

اس سلسلے میں آئی پی سی کی دفعات 406/420 اور 120B کے تحت سپنا پر ایف آئی آر درج کی گئی ہے۔ اقتصادی معاملات ونگ اس پورے معاملے کی تحقیقات کر رہی ہے۔
مزید پڑھیں:

بالی ووڈ اداکارہ سارہ علی خان فلم باغی 4 منتخب

معلومات کے مطابق دہلی پولیس کی اقتصادی جرائم ونگ میں گزشتہ سال جولائی ماہ میں سپنا چودھری کے خلاف شکایت درج کرائی گئی تھی، اس شکایت میں سپنا چودھری کے علاوہ ان کے کنبہ کے افراد نیلم ، کرن ، رچنا ، شیوانی اور نتن کمار کا نام بھی شامل کیا گیا ہے۔

یہ شکایت ایونٹ مینجمنٹ کمپنی چلانے والے پون چاولا نے کی ہے۔ پولیس فی الحال ایف آئی آر درج کرکے معاملے کی تحقیقات کر رہی ہے۔