دہلی: پلاسٹک گودام میں آتشزدگی

دارالحکومت دہلی کے کیراڈی علاقے کے پلاسٹک گودام میں آگ لگنے سے افراتفری مچ گئی۔

یہ گودام جوتے چپل کے کٹے ہوئے کٹ سے بھرا ہوا تھا۔آج صبح سات بجے اس گودام میں آگ لگ گئی۔ آگ اتنی بھیانک تھی کہ اطراف کے علاقوں میں دھواں پھیل گیا، جس کی وجہ سے لوگوں کو سانس لینے میں پریشانی کا سامنا کرنا پڑرہا ہے۔

آگ پھیلتے ہوئے پاس کے گھروں تک پہنچ گئی جس کی وجہ سے مقامی لوگوں کے گھروں میں رکھا ہوا سامان بھی جل کر خاکستر ہوگیا۔

مقامی لوگوں کا کہنا ہے کہ فائر بریگیڈ عملہ بھی وقت پر نہیں پہنچا جس کی وجہ سے آگ اتنی بڑھ گئی۔

فی الحال فائر بریگیڈ عملہ آگ بجھانے میں مصروف ہیں، جبکہ اس حادثے میں کوئی جانی نقصان نہیں ہوا ہے۔