اسپتال کے بیت الخلاء میں حمل برآمد

دارالحکومت دہلی کے دین دیال اپادھیائے ہسپتال کے بیت الخلا سے ایک نوزائیدہ حمل برآمد کیا گیا۔ جس کے بعد سے ہسپتال انتظامیہ پر سوال اٹھ رہے ہیں۔

دہلی کے ہری نگر علاقے کے دین دیال ہسپتال کے ایمرجینسی وارڈ کے جینٹس ٹائلٹ سے ایک نوزائیدہ حمل پایا گیا، وہیں اسی ہسپتال میں جنسی شکار کی متاثرہ لڑکی کی دوران علاج موت ہوگئی۔

اس واقعے کے بعد پولیس نے ایک ملزم کو گرفتار کیا ہے۔ پولیس کے مطابق نارائنہ علاقے میں ایک شخص نے 15 برس کی نابالغ کے ساتھ جنسی زیادتی کی، جس کے بعد لڑکی حاملہ ہو گئی۔

گھر والوں کو جب پتہ چلا تو اہل خانہ نے اس کے حمل کو ساقط کرا دیا۔ اس دوران اس کی حالت کافی نازک ہوگئی، دوران علاج ہی لڑکی کی موت واقع ہوگئی۔

پولیس ابھی یہ پتہ کرنے کی کوشش کررہی ہے کہ حمل کس ہسپتال میں ساقط کرایا گیا ہے۔