کسان 26 جون کو راج بھون پر احتجاج کریں گے

مرکزی حکومت کی جانب سے نافذ کردہ تین نئے زرعی قوانین کے خلاف کسان 26 جون کو ملک بھر کے راج بھونوں پر دھرنا دیں گے۔

نئی دہلی:مرکزی حکومت کی جانب سے نافذ کردہ تین نئے زرعی قوانین کے خلاف احتجاج کر رہے کسانوں نے گزشتہ روز اعلان کیا ہے کہ وہ اپنے احتجاج کے سات ماہ مکمل ہونے کے موقع پر 26 جون کو ملک بھر کے راج بھونوں پر دھرنا دیں گے۔

سنیوکت کسان مورچہ (ایس کے ایم) نے کہا ہے کہ وہ 26 جون کو اپنے احتجاج کے دوران سیاہ جھنڈے دکھائیں گے اور صدر رام ناتھ کووند کو ایک یادداشت پیش کریں گے ۔

ایس کے ایم کے کسان رہنما اندرجیت سنگھ نے ایک پریس کانفرنس میں کہا کہ 26 جون کو 'زراعت بچاؤ، جمہوریت بچاؤ' کے طور پر منایا جائے گا۔ انہوں نے کہا "ہم راج بھونوں پر کالے جھنڈے دکھا کر اور ہر ریاست کے گورنر کے ذریعہ صدرجمہوریہ کو میمورنڈم دے کر احتجاج کریں گے۔"

سنگھ نے کہا "یہ (26 جون) وہ دن ہے جب 1975 میں ایمرجنسی کا اعلان کیا گیا تھا اور ہم اسی دن اپنے احتجاج کے سات ماہ مکمل کریں گے۔ تاناشاہی کے اس ماحول میں زراعت کے ساتھ ساتھ لوگوں کے جمہوری حقوق پر بھی حملہ کیا گیا ہے۔ یہ ایک غیر اعلان شدہ ایمرجنسی ہے۔''

قابل ذکر ہے کہ کسان دہلی کی سرحدوں پر گزشتہ کئی ماہ سے مرکز کے تین زرعی قوانین کو منسوخ کرنے کے مطالبے کو لے کر احتجاج کر رہے ہیں لیکن حکومت اسے واہپس لینے کو تیار نہیں ہے۔

وہیں کسان رہنما سمن ہڈا نے خواتین مظاہرین کے تحفظات کا حوالہ دیتے ہوئے کہا کہ ہفتے کی شام تک ایک خصوصی کمیٹیاں تشکیل دی جائیں گی ، جو احتجاجی مقامات پر خواتین کو درپیش مشکلات کو دور کریں گی۔