زرعی قوانین کے خلاف جاری احتجاج کے دوران دہلی کے سندھوں بارڈر پر پنجاب سے آنے والے کسانوں کے سامنے سے پولیس نے بیریکیڈ ہٹا دیا ہے۔ سندھوں بارڈر پر ایک لین کھول دی گئی ہے۔
دہلی پولیس کے ڈی سی پی گورو شرما نے بتایا کہ 'کسان دوسری طرف بڑی تعداد میں ہیں اور 3 دن سے رکے ہوئے ہیں۔'
ڈی سی پی گورو شرما نے بتایا کہ 'ہم نے لین کھول دی ہے تاکہ کسانوں کو کسی بھی طرح کی پریشانیوں کا سامنا نہ کرنا پڑے۔'
انہوں نے کہا کہ 'اگر کوئی دہلی کے براڑی گراؤنڈ تک جانا چاہتا ہے تو، پولیس نے اندر جانے کے لئے سرحد کھول دی ہے۔'
واضح رہے کہ پولیس نے سرحد پر لگائے گئے مٹی کے بڑے بڑے ٹرکوں کو بھی ہٹا دیا ہے۔ پتھر اور سیمنٹ سے بنی ہوئی بیریکیڈ بھی ہٹا دی گئی ہے، حالانکہ کسان وہاں اب بھی موجود ہیں اور دہلی آنے کو تیار نہیں ہیں۔