مغربی دہلی: بی جے پی کے سابق نائب صدر نے خودکشی کرلی

مغربی دہلی کے ضلع ہری نگر میں بی جے پی کے سابق نائب صدر جی ایس باوا نے خودکشی کرلی۔ فی الحال کوئی خود کشی کا خط برآمد نہیں ہوا ہے۔

بی جے پی کے رہنما اور مغربی دہلی ضلع کے سابق نائب صدر جی ایس باوا نے پارک کے قریب گرل سے پھانسی پر لٹک کر خودکشی کرلی۔ تاہم ابھی تک خودکشی کی وجہ معلوم نہیں ہوسکی ہے۔

اب تک کی معلومات کے مطابق واقعے کے مقام سے کوئی خودکشی نوٹ برآمد نہیں ہوا ہے۔ قیاس کیا جا رہا ہے کہ خودکشی کے پیچھے گھریلو وجوہات ہوسکتی ہیں۔

واضح رہے کہ باوا طویل عرصے سے مغربی دہلی کی سیاست سے وابستہ تھے اور گذشتہ اسمبلی انتخابات میں انہوں نے ضلع میں پارٹی کے لئے کافی مہم چلائی تھی۔ باوا کی موت کی خبر سن کر بی جے پی کارکنان حیران ہیں۔ فی الحال خودکشی کی وجوہات پوسٹ مارٹم کے بعد واضح ہوجائے گی۔