شعیب اقبال نے عام آدمی پارٹی میں شمولیت اختیار کیوں کی؟

گذشتہ 25 برسوں سے دہلی کے سیاسی منظر نامے پر اپنی گہری پکڑ بنانے والے سابق رکن اسمبلی شعیب اقبال نے کانگریس کا ہاتھ چھوڑ کر عام آدمی پارٹی کا دامن تھاما اور سب کو حیران کر دیا ہے۔

دارالحکومت دہلی میں اسمبلی انتخابات کی تاریخ کا اعلان ہونے کے 3 روز ہعد ہی مٹیا محل کے سابق رکن اسمبلی شعیب اقبال نے بھارتی نیشنل کانگریس کو آلودہ کہہ کر عام آدمی پارٹی میں شمولیت اختیار کرلی ہے۔

شعیب اقبال 7 ویں بار اسمبلی انتخابات میں اتریں گے اور ساتویں بار انہوں نے پارٹی تبدیل کی ہے. عام آدمی پارٹی میں شمولیت اختیار کرنے سے پہلے شعیب اقبال جنتا دل، جے ڈی یو، لوک جن شکتی پارٹی، آر ایل ڈی اور کانگریس جیسی سیاسی جماعتوں سے ٹکٹ لیکر انتخابات میں اتر چکے ہیں۔

واضح رہے کہ گزشتہ کئی روز سے شعیب اقبال دہلی کے وزیراعلیٰ اروند کیجریوال سے شہریت ترمیمی قانون اور این آر سی پر ان کا رخ صاف کرنے کی باتیں کر رہے تھے لیکن جس طرح سے شعیب اقبال نے یو ٹرن لیا ہے اس سے دہلی کی سیاست میں ایک طرح کی ہلچل پیدا ہو گئی ہے۔

قابل ذکر ہے کہ جب عام آدمی پارٹی نے پہلی بار اسمبلی انتخابات میں 28 سیٹوں پر کامیابی حاصل کی تھی تب شعیب اقبال پہلے رکن اسمبلی تھے جنہوں نے بغیر کسی شرط کے اپنی حمایت عام آدمی پارٹی کو دی تھی۔