'دہلی میں نیشنل انسٹی ٹیوٹ آف اسپورٹس سائنس کا قیام'

مرکزی وزیر کھیل کیرن رجیجو نے ہفتہ کو ہندوستانی فزیکل ایجوکیشن فاؤنڈیشن کے دوسرے پی ای ایف آئی لائیو سیشن کے افتتاح کے موقع پر ملک بھر میں اساتذہ، ماہرین، کھلاڑیوں اور طلباء کو جسمانی تعلیم سے وابستہ خطاب کرتے ہوئے کہا کہ دارالحکومت دہلی میں نیشنل انسٹی ٹیوٹ آف اسپورٹس سائنس کا قیام عمل میں لایا جائے گا۔

رجیجو نے کہا کہ ملک میں کھیلوں کی سائنس کی حالت اطمینان بخش نہیں ہے۔ چاہے یہ جسمانی تعلیم یا کھیل کے بارے میں ہو کھیلوں کی سائنس کو نظرانداز نہیں کیا جاسکتا۔ انہوں نے کہا کہ اس کو دھیان میں رکھتے ہوئے مرکزی وزارت کھیل نے فیصلہ کیا ہے کہ دہلی میں قومی انسٹی ٹیوٹ آف اسپورٹس سائنس کا قیام عمل میں لایا جائے گا اور اس کی شاخیں ہر جگہ کھولی جائیں گی تاکہ اسپورٹس سائنس کے معاملے میں ملک مزید خود انحصار ہوسکے اور بہتر کام کرسکے۔

وزیر کھیل نے کہا کہ کمیونٹی کوچنگ کے ذریعے تندرستی کو بہتر بنانے پر زور دیا جارہا ہے۔ وزیر اعظم نریندر مودی کی سربراہی میں ملک میں کھیلوں کی فضا ہموارکرنے کے لیے کئی اہم اقدامات اٹھائے گئے ہیں۔ اس میں، کھیلو انڈیا اور فٹ انڈیا مہم پروگرام کا ایک اہم حصہ ہے۔ کمیونٹی کوچنگ کے ذریعے تندرستی کو بہتر بنانے کے لیے ملک میں وسیع پروگرام شروع کیے گئے ہیں۔ وزارت کی جانب سے جسمانی تعلیم میں شامل لوگوں کے لیے آن لائن پروگرام شروع کیے گئے ہیں۔

رجیجو نے پی ای ایف آئی کے اقدامات کی تعریف کی اور کہا کہ کسی بھی ملک کی ترقی اسی وقت ممکن ہے جب وہاں کے لوگوں کی جسمانی اور ذہنی بنیاد مضبوط ہو۔ اس پر اس ملک کی ترقی کا دارومدار ہے۔ نئی تعلیمی پالیسی پر تبادلہ خیال کرتے ہوئے انہوں نے کہا کہ ان کی وزارت کی طرف سے جسمانی تعلیم اور کھیل کو مستحکم رکھنے کی کوشش کی گئی ہے۔ یہ وہ دو سمت ہیں جو لوگوں کو جسمانی اور ذہنی طور پر آگے کرتی ہیں۔

مرکزی وزیر کھیل نے کہا کہ جسمانی تعلیم ایک ایسا موڈ ہے جس کے ذریعے لوگوں میں کھیلوں اور صحت کے معاملے میں اہم تبدیلیاں لائی جاسکتی ہیں۔ انہوں نے سب سے اپیل کی کہ ریاستی حکومتیں جسمانی تعلیم کو ایک اہم مقام دلانے کے لئے کام کریں۔ مرکزی حکومت مرکزی کھیل پر وزارت کھیل اور نوجوانوں کے پروگراموں کے ذریعے جسمانی تعلیم کو فروغ دینے کے لئے پرعزم ہے۔

انہوں نے کہا کہ کھیلوں کے لیے جسمانی تعلیم ہی ضروری نہیں ہے۔ ہر انسان کے لیے انتہائی اہم ہے۔ ہر طرح کے کھیلوں میں ارتکاز اور مطالعہ کے لیے بھی یہ بہت ضروری ہے۔ ہر ایک کو اپنی زندگی میں شامل کرنا ہوگا ۔ انہوں نے مثالیں دیتے ہوئے کہا کہ ملک کی ایک بڑی آبادی باقاعدہ جسمانی کسرت کی سرگرمیوں سے دور ہے۔ یہ تشویش کی بات ہے۔ کھیلو انڈیا اور فٹ انڈیا موومنٹ کے توسط سے ایسے لوگوں میں جسمانی سرگرمیاں بڑھانے کی کوششیں کی جارہی ہیں۔ ہم سب کو اسے معاشرتی انقلاب کے طور پر لینا ہوگا۔

رجیجو نے شطرنج کے عظیم کھلاڑی وشوناتھن آنند کا ذکر کرتے ہوئے کہا کہ ایک بار جب میں ان سے ملا تو انہوں نے کہا کہ جب وہ کھیل میں ہار رہے تھے اور لوگ عام طور پر سوچتے ہیں کہ شطرنج کے کھلاڑی کی فٹنس یا جسمانی تعلیم کی کیا ضرورت ہے جب میں نے اپنی فٹنس اور جسمانی سرگرمیوں پر خاص دھیان دیا تو اس نے یکسوئی میں اضافہ کیا اور مجھے جیتنے میں مدد ملی۔