Encounter between Gangsters and Police: پنجاب پولیس اور بدمعاشوں کے درمیان تصادم، دو گینگسٹر ہلاک

سدھو موسے والا قتل کیس میں مطلوب دو گینگسٹر پنجاب کے چیچا بھکنا گاؤں میں انکاؤںٹر میں مارے گئے۔ پولیس نے موقع سے ایک اے کے 47 برآمد کی ہے۔ Encounter between gangsters and police

چنڈی گڑھ:پنجابی گلوکار سدھو موسے والا قتل معاملے میں شامل دو شوٹرز پولیس انکاونٹر میں مارے گئے ہیں۔ پنجاب پولیس کے جنرل ڈائریکٹر نے اس کی تصدیق کی ہے۔ امرتسر ضلع کے اٹاری گاؤں میں پاکستان کی سرحد سے متصل چیچا بھکنا گاؤں میں پولیس اور گینگسٹر کے درمیان تصادم ہوا۔ جس میں 3 پولیس اہلکار بھی زخمی اور دو گینگسٹر ہلاک ہوئے ہیں۔ اس واقعہ میں ایک مقامی شخص بھی زخمی ہوا ہے۔ Sidhu Moose Wala Murder Case

بتایا جا رہا ہے کہ جگروپ روپا اور منپریت سنگھ منو گلوکار سدھو موسے والا قتل معاملہ میں شامل تھے۔ پنجاب کے ڈی جی پی گورو یادو نے کہا کہ سدھو موسے والا قتل معاملے میں جو دو شوٹرز منو اور روپا فرار تھے، دونوں آج انکاؤنٹر میں مارے گئے ہیں۔ وہیں 3 پولیس اہلکار بھی زخمی ہوئے ہیں جن کی حالت مستحکم ہے۔ پولیس نے موقع سے ایک اے کے 47 برآمد ہوئی ہے۔ اس کے علاوہ ایک بیگ بھی ملا ہے، جس کی جانچ چل رہی ہے۔

اس سے قبل امرتسر کے ایس ایچ او سکھبیر سنگھ نے کہا تھا کہ ابھی کچھ نہیں کہا جاسکتا ہے کہ یہ گینگسٹر ہیں یا شدت پسند۔ پولیس نے بتایا کہ تصادم کو دیکھتے ہوئے لوگوں سے گھروں میں رہنے کے لیے کہا گیا، اس جانب سے گولیوں کی آواز سنائی دے رہی تھی، وہیں تصادم کے بعد پولیس نے فائرنگ بند کردی، ساتھ ہی پولیس کے اعلی افسران موقع پر پہنچ گئے ہیں۔

واضح رہے کہ گلوکار سدھو موسے والا کا 29 مئی کو مانسا گاؤں میں کچھ لوگوں نے گولی مار قتل کردیا تھا۔ سی سی ٹی وی فوٹیج میں روپا اور کوسا کو موگا ضلع میں سمالسر میں موٹر سائیکل پر سوار دیکھے تھے۔