دہلی کے قرول باغ علاقہ میں ایک جیولری نے اپنے ملازم کے خلاف تھانہ میں شکایت درج کرائی ہے جس پر الزام لگایا ہے ان کے تقریباً ایک کروڑ روپے کے زیورات لے کر فرار ہوگیا ہے۔
اطلاع کے مطابق دہلی کے پتمپورا علاقے کا رہائشی رجت کا قرول باغ میں زیوارت کی ایک دکان ہے۔ان کے دکان میں منوجی نامی ایک نوجوان گزشتہ دو برسوں سے ان کے ساتھ کام کرتا تھا۔گزشتہ 21 مارچ کو رجت نے منوج کو 2200 گرام سونے کے زیوارت دے کر ہریانہ اور راجستھان میں ڈلیوری کے لیے بھیجا تھا۔
لیکن جب وہ راجستھان پہنچا تب ملک بھر میں لاک ڈاؤن نافذ کردیا گیا تھا۔منوج نے اپنے مالک کو بتایا کہ وہ لاک ڈاؤن کی وجہ سے وہاں پھنس گیا ہے، لیکن جب لاک ڈاؤن میں رعایت دی گئی تب بھی وہ راجستھان سے واپس نہیں لوٹا اور وہ بہانے بناتے رہا کہ وہ جلد ہی واپس آئے گا۔
دکان کے مالک نے پولیس کو بتایا کہ منوج نے کچھ دن پہلے اپنا موبائل فون بند کردیا ہے۔جس کی وجہ سے انہیں شبہ ہے کہ وہ ان کے زیورات لے کر فرار ہوگیا ہے۔
انہوں نے پولیس کو بتایا کہ زیورات کی قیمت تقریبا 1 کروڑ روپئے ہے۔پولیس نے ان کی شکایت پر معاملہ درج کرلیا ہے۔پولیس ملزم منوج کے بارے میں معلومات اکٹھا کرنے کی کوشش کر رہی ہے۔اس کے لیے ٹیکنیکل سرویلانس کی مدد بھی لی جارہی ہے۔