پی ایم مودی فلم کے بعد نمو ٹی وی پر بھی پابندی

لوک سبھا انتخابات کے لیے پہلے مرحلے کی پولنگ جمعرات کے روز ہوگی۔ اس سے قبل الیکشن کمیشن نے بی جے پی اور وزیراعظم نریندر مودی کو یکے بعد دیگرے دو جھٹکے دیے ہیں۔

اس سے پہلے وزیراعظم نریندر مودی اور بی جے پی کی تشہیر کرنے والے نمو ٹی وی چینل کو بھی اس پابندی کا سامنا کرنا پڑے گا جسے الیکشن کمیشن نے وزیراعظم نریندر مودی کی سوانح حیات (بائیو پک) پر مبنی فلم کے لیے نافذ کیا ہے۔

الیکشن کمیشن نے آج ہی پی ایم مودی کی سوانح حیات پر مبنی فلم کی ریلیز پر روک لگا دی ہے۔

الیکشن کمیشن نے کہا کہ یہ حکم پی ایم مودی کی بائیو پک پر ہی نہیں بلکہ نمو ٹی وی پر بھی عائد ہوگا۔

واضح رہے کہ ڈی ٹی ایچ خدمات مہیا کرانے والے ٹاٹا اسکائی نے حال ہی میں کہا تھا کہ نمو ٹی وی ایک ہندی نیوز سروس ہے جو قومی سیاست پر تازہ ترین بریکنگ نیوز مہیا کراتی ہے۔