دہلی کی جامع مسجد میں مسلمان عیدالاضحیٰ کی نماز ادا کرنے کے لیے پہنچے جہاں کورونا وائرس کی مہلک وبا کے پیش نظر احتیاط کے طور پر فرزندان توحید کے جسم کے درجہ حرارت کی جانچ تھرما میٹر گن کے ذریعے کی گئی۔
دہلی کی جامع مسجد میں مسلمانوں نے نماز عیدالاضحیٰ ادا کی۔
دہلی پولیس نے جامع مسجد کے ساتھ ساتھ دیگر مقامات پر تمام طرح کے انتظامات کیے ہیں۔
ڈپٹی کمشنر آف پولیس (ڈی سی پی) سنجے بھاٹیا نے کہا کہ 'جامع مسجد میں عید کے تہوار کے پیش نظر سینکڑوں کی تعداد میں لوگ پہنچے۔ ہم نے جامع مسجد کے ساتھ ساتھ تمام چھوٹی اور بڑی مسجدوں میں محفوظ ماحول کو یقینی بنایا۔'
فرزندان توحید نے کہا کہ 'عید کے موقع پر یہاں پر آنے سے مجھے خوشی ہوئی۔ سب نے لاک ڈاؤن کی گائیڈ لائن پر عمل کیا اور یہاں تک کہ مسلمانوں نے اپنے اپنے گھروں میں نمازیں ادا کیں۔'
امان اللہ نامی شخص نے بتایا کہ 'یہاں پر ایک ڈر کا ماحول تھا لیکن یہاں پر سب نے لاک ڈاؤن کی گائیڈ لائن پر عمل کیا۔ ہم نے سوشل ڈسٹنسگ کا خاص خیال رکھا چونکہ کووڈ 19 کی وجہ سے اس سال صورتحال کافی الگ ہے۔'