کووند نے ملک کے عوام کوعید کی مبارکباد دی

صدر رام ناتھ کووند نے عیدالفطر کے موقع پر اہل وطن کو مبارک باد دی اور نیک خواہشات پیش کی ہے۔

محبت اور بھائی چارے کے اس تیوہار کے موقع پر اتوار کو کووند نے کہا کہ 'مقدس رمضان کے مہینے میں روزہ اور عبادت سے جڑے تیوہار عیدالفطر پر ملک اوربیرون ممالک رہنے والے بھارتیوں کو مبارک باد پیش کرتا ہوں'۔
صدر نے کہا کہ 'یہ تیوہار محبت، امن، بھائی چارے اور ہم آہنگی کا تیوہار ہے۔ اس موقع پر ہم سماج کے سب سے کمزور طبقوں کے ساتھ مل جل کر رہنے اور ان کی دیکھ بھال کرنے کے اپنے یقین کو اور پختہ کرتے ہیں۔
انہوں نے کہا کہ 'آئیے ایسے وقت، جب ہم کورونا وائرس کووڈ۔ 19 کے ذریعہ پیدا ہونے والی ایک غیر معمولی بحران کا سامنا کررہے ہیں، تب ذکوۃ کے جذبے کو مزید آگے بڑھائیں۔ آئیے ہم محفوظ رہنے اور اس چیلنج کو جلد ہی دور کرنے کے لیے سوشل ڈسٹنسنگ کے معیار اور دیگر سبھی احتیاط کی پیروی کرنے کے لیے عزم کریں'۔
کووند نے کہا کہ 'میری دعا ہے کہ عیدالفطر دنیا میں رحم دلی، عطیہ اور امید کے عالمگیری اقدار کو قائم رکھ سکے گا'۔