نئی دہلی: آندھرا پردیش کی سات، تلنگانہ کی تین اور بہار کی چار نشستوں کے لئے دو سالہ انتخابات اور بہار میں ایک نشست کے لئے ضمنی انتخابات ہوں گے۔بہار قانون ساز کونسل میں گریجویٹ اور اساتذہ کے حلقوں میں سے ہو رہیں دو دو خالی نشستوں کے لئے دو سالہ انتخابات اور سارن سیٹوں کے لئے ضمنی انتخابات 31 مارچ کو ہوں گے۔
آندھرا پردیش میں سات، تلنگانہ میں 3 اور بہار میں چار سیٹوں کے لئے دو سالہ انتخابات اور بہار کی ایک سیٹ کے لئے ضمنی انتخابات کرائے جائیں گے۔پیر کو الیکشن کمیشن کے جاری کردہ اعلامیہ کے مطابق بہار میں قانون ساز کونسل کے پانچ حلقوں کے انتخابات اور ضمنی انتخابات کا نوٹیفکیشن 6 مارچ کو جاری کیا جائے گا۔ کاغذات نامزدگی 13 مارچ تک داخل کئے جاسکتے ہیں۔
موصول ہونے والے کاغذات نامزدگی کی جانچ پڑتال 14 مارچ کو ہو گی اور 16 مارچ تک نام واپس لئے جا سکیں گے۔ ضرورت پڑنے پر پولنگ 31 مارچ کو صبح 8 بجے سے شام 4 بجے تک ہوگی۔ ووٹوں کی گنتی 5 اپریل کو ہوگی اور 11 اپریل تک پورا عمل مکمل کرلیا جائے گا۔ بہار میں سارن اور گیا کے گریجویٹ حلقوں اور گیا اور کوشی ٹیچر حلقوں کے نمائندوں مسٹر وریندر نارائن یادو، اودھیش نارائن سنگھ، سنجیو شیام سنگھ اور سنجیو کمار سنگھ کی میعاد 8 مئی کو ختم ہو رہی ہے۔ سارن ٹیچر کے حلقہ کے نمائندے کیدارناتھ پانڈے کی میعاد 16 نومبر 2026 تک تھی لیکن ان کے انتقال کی وجہ سے یہ سیٹ 24 اکتوبر 2022 سے خالی ہے۔ کمیشن نے اس خالی نشست پر ضمنی انتخابات کے ساتھ ساتھ چار نشستوں کے لئے دو سالہ انتخابات کرانے کا فیصلہ کیا ہے۔