ایک طرف مرکزی اور دہلی حکومت لوگوں کی مدد کے لئے بڑے بڑے دعوے کررہی ہیں تو وہیں ای ٹی وی بھارت نے اس کا ریئلٹی چیک کیا تو ایک الگ ہی حقیقت سامنے آئی ہے۔ جہاں بھوک میں مبتلا ایک کنبہ خود کشی کا منصوبہ بنا رہا تھا۔
لاک ڈاؤن: ایک کنبہ دانے دانے کو محتاج واضح رہے کہ دارالحکومت دہلی سمیت پورے ملک میں لاک ڈاؤن کے 18 دن مکمل ہو چکے ہیں اور ایسی صورتحال میں سب سے زیادہ پریشانی مزدوروں کو پیش آرہی ہے جو روزانہ کماتے ہیں اور روزانہ کھاتے ہیں۔
لاک ڈاؤن: ایک کنبہ دانے دانے کو محتاج وہیں حکومت متعدد مقامات پر ایسے لوگوں کی مدد کی بات کررہی ہے۔ لیکن کیمپوں کا بھی اہتمام کیا گیا تھا اور بہت سارے سرکاری اسکولوں میں کھانا تقسیم کیا جارہا تھا، اس کے باوجود اب بھی بہت سے لوگ ایسے ہیں جو ہر قسم کی سرکاری اور نجی امداد سے محروم ہیں۔
ایسا ہی ایک کنبہ براڑی اسمبلی حلقہ کے بنگالی کالونی میں رہتا ہے۔ جس کا نام دنیش ہے اور یہ اصل میں اترپردیش کے فیض آباد کا رہنے والا ہے ۔ان کے دو چھوٹے بچے، بیوی ہیں وہ گزشتہ ایک سال سے دہلی میں مقیم ہے اور وہ یہاں مزدوری کرتے ہیں، لیکن لاک ڈاؤن کی وجہ سے انہیں پچھلے قریب 18 دنوں سے کام نہیں ملا ہے۔ بھوک سے پریشان کنبے نے خود کشی کرنے کی بھی کوشش کی تھی۔
بچے رو رہے ہیں لیکن اہل خانہ میں کھانے کے لئے کچھ بھی نہیں ہے، ان کا کہنا ہے کہ اگر وہ 1 دن کے لئے بھی لاک ڈاؤن ہٹ جائے تو وہ کسی طرح اپنے گھر پہنچ جائیں گے جہاں کم سے کم اپنے چھوٹے بچوں کا تو پیٹ بھر سکتے ہیں۔
غور طلب ہے کہ براڑی کے اس کنبے کی حالت کا بھلے ہی کورونا وائرس ذمہ دار ہے، لیکن کہیں نہ کہیں انتظامی عملہ اور عوامی نمائندے بھی اس کے ذمہ دار ہیں، کیونکہ ان کی طرف سے جو دعوے کیے جارہے ہیں وہ اس کنبے تک نہیں پہنچ رہا ہے۔
