لاک ڈاؤن سے قلی برادری معاشی بحران کا شکار

لاک ڈاؤن کی وجہ سے مسافروں کا بوجھ اٹھانے والے قلی آج معاشی بحران کے شکار ہیں۔ ریلوے اسٹیشنوں پر مسافروں کا سامان اٹھاکر اپنے اہل خانہ کے لیے معاش کا انتظام کرنے والی قلی برادری کے لیے آج دو وقت کی روٹی جٹا پانا مشکل ہوگیا ہے۔

دہلی: کورونا وبا کو روکنے کے لیے ملک میں نافذ لاک ڈاؤن کی وجہ سے یومیہ مزدور معاشی بحران کے شکار ہیں ان میں ایک طبقہ قلی برادری کا بھی ہے جو لاک ڈاؤن کے سبب شدید پریشانیوں کا سامنا کررہا ہے۔

دارالحکومت دہلی میں کورونا وائرس کے مریضوں میں مسلسل ہورہے اضافہ کے سبب لاک ڈاؤن نافذ کیا گیا تھا جس سے معمولات زندگی تو متاثر ہوئے ہی تھے ساتھ ہی ساتھ ٹرینوں کی آمد ورفت میں بھی غیر معمولی کمی آئی، ایسے میں سب سے زیادہ نقصان ریلوے اسٹیشن پر کام کرنے والے قلیوں کے روزگار پر پڑا۔

لاک ڈاؤن سے قلی برادری معاشی بحران کا شکار

اس تعلق سے پرانی دہلی ریلوے اسٹیشن پر کام کرنے والے قلیوں نے بتایا کہ جب سے لاک ڈاؤن نافذ ہے تب سے بیشتر ٹرینیں بند ہیں جس سے ہمارا روزگار بند ہے اور اب ایسے حالات پیدا ہوگئے ہیں کہ ہمارے لیے ایک وقت کی روٹی جٹا پانا مشکل ہورہا ہے۔

لاک ڈاؤن سے قلی برادری معاشی بحران کا شکار

لاک ڈاؤن سے قلی برادری معاشی بحران کا شکار

مسافروں کا بوجھ اٹھا کر گھر کا چولہا جلانے والے قلی اس وبا کے خاتمے کی دعا تو کر ہی رہے ہیں ساتھ ہی ریاستی و مرکزی حکومتوں سے مالی امداد کے بھی منتظر ہیں۔