کورونا وائرس کے مریضوں پر دوا کا ٹیسٹ

کورونا کی روک تھام کے لیے ملک ہی نہیں بلکہ پوری دنیا میں اس کی دوا اور ویکسین تلاش کی جا جا رہی ہے۔ اس کے لیے مختلف اسپتالوں میں مختلف ادویات کے ٹیسٹ کیے جارہے ہیں۔

دہلی حکومت کے راجیو گاندھی سپر اسپیشلیٹی اسپتال میں ایسی صورتحال میں پلازما تھراپی کے علاوہ دو دیگر دوا کا بھی ٹیسٹ کیا جارہا ہے۔

مشرقی دہلی کے طاہر پور میں واقع راجیو گاندھی سپر اسپیشلیٹی اسپتال میں فی الحال کورونا کے 270 مریض داخل ہیں۔ اس میں 20 سے زیادہ مریضوں کا روزانہ اضافہ ہورہا ہے۔

اسپتال کے میڈیکل ڈائریکٹر، ڈاکٹر بی ایل شیروال کا کہنا ہے کہ آئی سی ایم آر نے ملک میں کورونا مریضوں کے علاج کے لئے ہدایات دی ہیں اور تمام اسپتالوں کو اس پر عمل کرنا ہوگا۔

اس کے بعد بھی ان کے اسپتال میں کورونا مریضوں کے علاج میں پلازما تھراپی کے علاوہ آئی سی ایم آر اور ڈی آر ڈی او کے دو منصوبوں پر بھی کام جاری ہے۔

ڈاکٹر شیروال کے مطابق اس وقت آئی سی ایم آر اور ڈی آر ڈی او کی دو دوائیں جو مریضوں پر آزمائشی ہیں انھیں مارس کی بیماری میں اینٹی وائرل دوائیوں کے طور پر استعمال کیا گیا ہے۔ ان کا کہنا ہے کہ چونکہ مارس اور کوویڈ 19 دونوں ایک ہی خاندان کے وائرس ہیں لہذا یہ دوائیں استعمال کی جارہی ہیں۔ جس کو جزوی کامیابی بھی مل رہی ہے، لیکن اس بارے میں کچھ کہنا قبل از وقت ہوگا۔ اس کے علاوہ اسپتال کچھ دوسری دوائیوں کے استعمال پر بھی غور کر رہا ہے۔