ماسک نہ لگانے والے سیکڑوں افراد پر جرمانہ

پولیس عوام کی تحافظ کے لیے ڈرون کے ذریعے نگرانی کر رہی ہے اور جو بھی بنا ماسک پایا جاتا ہے انہیں چالان کیا جاتا ہے۔

نوئیڈا گوتم بدھ نگر پولیس نے کووڈ۔19 کے پروٹوکول کی خلاف ورزی کرنے والے اور ماسک نہ لگانے والے 537 افراد کے چالان کاٹے ہیں۔

اس کے لیے ڈرون کیمرے سے وسیع پیمانے پر مہم چلا کر مختلف علاقوں میں نگرانی کی گئی۔

پولیس کمیشنر آلوک سنگھ نے کہا کہ کووڈ 19 وبا کے خطرات ابھی ختم نہیں ہوئے ہیں۔ کچھ لوگ ضابطہ کی خلاف ورزی کرتے ہوئے بغیر ماسک کے گھر سے نکل رہے ہیں اور گوتم بدھ نگر پولیس نے ایسے ہی 537 افراد کا چالان کیا۔

انہوں نے کہا کہ گوتم بدھ نگر پولیس بغیر ماسک پہنے لوگوں کے خلاف مسلسل کارروائی کررہی ہے۔

پولیس بغیر ماسک پہنے گھومنے والوں کے خلاف کارروائی کے لیے ڈرون کیمروں کا سہارا لے رہی ہے۔

تھانہ فیس 2 کے علاقے میں ڈرون کیمروں کی مدد سے عوامی مقامات پر ماسک نہیں لگانے والے لوگوں کی تصاویر کھینچی گئیں۔

ایسے بہت سے لوگوں کی شناخت ہوچکی ہے ، ان کے خلاف کارروائی کی جائے گی۔