Drone Flying وزیراعظم کی رہائش گاہ کے نو فلائنگ زون میں ڈرون، پولیس تفتیش میں مصروف

نئی دہلی میں وزیر اعظم کی رہائش گاہ پر ڈرون کے منڈلانے کا ایک بڑا معاملہ سامنے آیا ہے۔ نو فلائنگ زون میں ڈرون کو پرواز کرتے دیکھے جانے کے بعد سیکیورٹی اداروں میں ہلچل مچ گئی۔ دہلی پولیس اس پورے معاملے کی جانچ میں لگی ہوئی ہے۔Drone flying over pm modi residence

نئی دہلی: وزیر اعظم نریندر مودی کی رہائش گاہ کے اوپر نو فلائنگ زون میں ڈرون اڑانے کا معاملہ سامنے آیا ہے۔ اسپیشل پروٹیکشن فورس (ایس پی جی) نے دہلی پولیس کو یہ اطلاع دی ہے۔ اس معاملے کو سنجیدگی سے لیتے ہوئے دہلی پولیس نے واقعہ کی جانچ شروع کر دی ہے۔ ایس پی جی نے شام تقریباً 5:30 بجے دہلی پولیس کو اس کی اطلاع دی۔

دارالحکومت دہلی کے انتہائی حساس علاقے میں آج صبح ڈرون سے دراندازی کی کوشش کی گئی۔ سیکورٹی کے لحاظ سے اسے بہت سنگین معاملہ سمجھا جاتا ہے، جس جگہ پر ڈرون کو آسمان پر اڑتے ہوئے دیکھا گیا وہ وزیر اعظم نریندر مودی کی رہائش گاہ ہے۔ کسی شخص نے ڈرون کو وزیر اعظم کی رہائش گاہ پر منڈلاتے ہوئے دیکھا اور وزیر اعظم کی حفاظت میں تعینات ایس پی جی کو اطلاع دی۔ اس اطلاع پر ایس پی جی چوکس ہوگئی اور تحقیقات شروع کردی۔ اس دوران یہ اطلاع دہلی پولیس کو بھی دی گئی۔ بتایا جا رہا ہے کہ سیکورٹی فورسز نے فورا تلاشی مہم چلائی، تاہم ابھی تک اس ڈرون کا پتہ نہیں چل سکا ہے۔

اس دوران دہلی پولیس کی طرف سے ایک بیان جاری کیا گیا۔ بتایا گیا ہے کہ وزیر اعظم کی رہائش گاہ کے قریب کسی نامعلوم چیز کے پرواز کرنے کی اطلاع ملی تھی۔ اس کے بعد علاقے میں سرچ آپریشن کیا گیا لیکن ایسی کوئی چیز نہیں ملی۔ ایئر ٹریفک کنٹرول (اے ٹی ایس) سے بھی رابطہ کیا گیا۔ انہیں وزیر اعظم کی رہائش گاہ کے قریب بھی ایسی کوئی چیز اڑتی ہوئی نہیں ملی۔ وزیر اعظم کی رہائش لوک کلیان مارگ پر واقع ہے۔ وزیراعظم کی رہائش گاہ اور اس کے اردگرد کا پورا علاقہ انتہائی حساس ہے۔ یہاں سیکورٹی کے کئی حلقے ہیں۔ دہلی پولیس کے علاوہ پیرا ملٹری فورس یہاں تعینات ہے۔