'فیصلہ کچھ بھی ہو ملک میں امن و امان قائم رہنا چاہئے'

بابری مسجد تنازعہ پر سماعت مکمل ہو گئی ہے، عدالت عظمیٰ کی جانب سے اس پر فیصلہ آئندہ ماہ نومبر 2019 میں آئے گا۔

دارالحکومت دہلی کی شاہی مسجد فتح پوری کے امام ڈاکٹر مفتی مکرم احمد نے بابری مسجد تنازعہ پر اپنی بات رکھتے ہوئے کہا کہ 'فیصلہ کچھ بھی ہو ملک میں امن و امان قائم رہنا چاہئے'

انہوں نے کہا کہ موجودہ دور میں بابری مسجد تنازعہ کو ہندو اور مسلمانوں کے درمیان تفرقہ ڈالنے کی کوشش کی جا رہی ہے. کچھ غیر سماجی عناصر چاہتے ہیں کہ امن کی فضا کو خراب کیا جائے لیکن ہمیں حکومت کے ساتھ مل کر ان عناصر کو شکست دینی ہوگی تاکہ ملک کی گنگا جمنی تہذیب کو برقرار رکھا جا سکے.

سینٹرل وقف بورڈ کی جانب سے گذشتہ روز ڈرامائی انداز میں جو تجویز پیش کی گئی ہے اس پر جواب دیتے ہوئے انہوں نے کہا کہ کسی بھی وقف بورڈ کو یہ حق نہیں ہے کہ وہ کسی بھی جائیداد کو کسی اور کے حوالے کردے۔