ڈاکٹر کفیل کو ایمس میں داخل ہونے سے روک دیا گیا

ڈاکٹر کفیل خان نے الزام لگایا کہ انہیں امراض اطفال سے متعلق کتاب کی اجرائی کےلیے ایمس میں داخلہ سے روک دیا گیا۔

گورکھپو کے مشہور ڈاکٹر کفیل خان نے ای ٹی وی بھارت کو بتایا کہ انہوں نے امراض اطفال سے متعلق ایک کتاب تحریر کی ہے جس کا اجراء آج ایمس میں ہونا تھا۔

پروگرام طے شدہ تھا، ہال کی بکنگ پہلے ہو گئی تھی۔ دعوت نامے بھی بھیج دئے گئے تھے لیکن آج اچانک انہیں ایک فون موصول ہوا جس میں پروگرام کو منسوخ کئے جانے کی اطلاع دی گئی۔

انہوں نے الزام لگایا کہ طئے شدہ پروگرام کو یہ کہتے ہوئے منسوخ کر دیا گیا کہ کفیل خان متنازعہ شخصیت ہیں۔

کفیل خان نے مزید کہا کہ میری کتاب کا سیاست سے کوئی تعلق نہیں ہے جبکہ ہمارا پروگرام بھی غیر سیاسی تھا۔ اس کے باوجود انتظامیہ نے پروگرام کو منسوخ کر دیا۔