دوردرشن، پروفیشنلز کی تقرری کرے گا

وزیر اطلاعات و نشریات پرکاش جاؤڈیکر نے ٹیلی ویژن کو عوام کی زندگی کا اہم حصہ بتاتے ہوئے دوردرشن کے معیار میں بہتری لانے کا مشورہ دیا ہے۔

مسٹر جاؤڈیکر نے دور درشن کے 60 سال مکمل ہونے کے موقع پر منعقد تقریب سے خطاب کرتے ہوئے اپنا خیال ظاہر کیا ہے۔

اس موقع پر انہوں نے دور درشن پر ایک ڈاک ٹکٹ بھی جاری کیا اور دور درشن انعامات بھی تقسیم کیے۔

مسٹر جاؤڈیکر نے کہا کہ ٹیلی ویژن تمام عمر کے عوام کے لیے ایک مضبوط ذریعہ بن گیا ہے چاہے وہ بچے ہوں یا بزرگ سبھی کی زندگی کا اہم حصہ بن گیا ہے۔

انہوں نے کہا کہ دور درشن کے معیار میں بہتری لانا ہے اس لیے دور درشن کے 32 لوکل چینلوں کے نئے تخلیق کار سربراہ مقرر کرنے کا فیصلہ کیا ہے۔

انہوں نے کہا کہ دور درشن کو محض افسر ہی نہیں چلا سکتے۔

دوردرشن پیشہ ور افراد کی تقرری کرے گا

اسے آرٹسٹ اور پیشہ ور افراد چلائیں۔

مرکزی وزیر نے کہا کہ اس لیے تخلیق کار افراد کو مقرر کیے جانے کا فیصلہ کیا گیا ہے۔

اس موقع پر وزارت کے سکریٹری امت کھرے اور پرسار بھارتی کےکارگزار سربراہ ششی شیکھر، صدر اے سوریہ پرکاش اور دوردرشن کی ڈائریکٹر جنرل سپریا ساہو کے علاوہ دیگر افسران بھی موجود تھے۔