ٹول کٹ کیس: دشا روی نے دہلی ہائی کورٹ کا دروازہ کھٹکھٹایا

'ٹول کٹ' معاملے میں گرفتار دشا روی نے دہلی ہائی کورٹ میں عرضي دائر کرکے درخواست کی ہے کہ پولس کو ان کے خلاف تحقیقات سے متعلق کسی بھی چیز کو میڈیا میں لیک کرنے سے روکا جائے۔

نئی دہلی: 'ٹول کٹ' کیس میں گرفتار ماحولیاتی کارکن دشا روی نے پولس کو میڈیا میں تفتیش سے متعلق کسی بھی طرح کے مواد لیک کرنے سے روکنے کے لیے جمعرات کے روز دہلی ہائی کورٹ سے رجوع کیا۔

دیشا روی نے دہلی ہائی کورٹ میں عرضي دائر کرکے درخواست کی ہے کہ پولس کو ان کے خلاف تحقیقات سے متعلق کسی بھی چیز کو میڈیا میں لیک کرنے سے روکا جائے۔

دہلی پولس کی سائبر کرائم یونٹ نے گزشتہ ہفتے بنگلور سے دشا روی کو 'ٹول کٹ' شیئر کرنے کے الزام میں گرفتار کیا تھا۔

اس سے قبل منگل کے روز دہلی ہائی کورٹ نے دہلی پولس کو حکم دیا تھا کہ وہ اس گرفتاری سے متعلق ایف آئی آر اور دیگر دستاویزات دیشا راوی کے حوالے کردے۔