خستہ حال سڑکوں کو مزید چوڑا کر تعمیر کیا جائے گا

ریاست ہریانہ کے میوات میں کئی سڑکیں بد حال اور پوری طرح سے ٹوٹ چکی ہیں۔ برسات سے سڑکوں کی حالت مزید خستہ ہے۔

ای ٹی وی بھارت نے خصوصی طور سے خستہ حال سڑکوں پر کوریج کی ہے۔ اسی سلسلے میں آج پی ڈبلیو ڈی محکمہ کے ایکشن جگبھوشن شرما سے بات چیت کی اور میوات میں ٹوٹی سڑکوں کی تعمیر کے حوالے سے جانکاری لی۔

محکمہ کے ایکشن جگبھوشن شرما نے بتایا کہ، 'شکراوہ سے پونہانہ اور پونہانہ سے کوٹ دونوں سڑکوں کو (ہریانہ اسٹیٹ روڈس اینڈ برجس ڈیولپمنٹ) ایچ ایس آر ڈی سی کو دیے جا رہے ہیں اور اگلے ماہ اس کا ٹینڈر ہو سکتا ہے۔'

انہوں نے بتایا کہ، 'اسے اب مزید چوڑا کرکے تعمیر کیا جائے گا۔'

انہوں نے مزید بتایا کہ، 'نوٹکی سے تجارہ جانے والی سڑک جو دو ریاستوں کو جوڑنے کا کام کرے گی۔ اس پر کام چل رہا ہے اور اپریل تک کام مکمل کر لیا جائے گا۔'

انہوں نے ایک اور سوال کے جواب میں کہا کہ، 'پردھان منتری گرامین سڑک یوجنا کے تحت گیارہ سڑکیں جن کا ٹینڈر اسی ماہ ہو جائے گا۔'

بحر کیف محکمہ نے اپنی جواب دے دیا ہے، لیکن زمینی سطح پر کب عمل ہو گا یہ دیکھنے والی بات ہو گی۔