نانگل دیوت پارک کی خستہ حالی سے لوگ پریشان

ان دنوں جنوبی دہلی کے نانگل دیوت گاؤں میں پارک کی خستہ حالت ہے۔ یہاں پارک میں گندگی کے ساتھ جنگلی جھاڑیوں سے لوگوں کو کافی پریشانی ہو رہی ہے۔

جنوبی دہلی کے گاؤں نانگل دیوت میں ایس ایم ڈی سی کی لاپرواہی منظر عام پر آئی ہے۔

یہاں بنائے گئے پارک میں گندگی کے ساتھ جھاڑیوں نے پورے پارک پر قبضہ کرلیا ہے۔ لوگوں کو مارننگ والک اور بچوں کو کھیلنے کودنے میں پریشانی پیش آ رہی ہے۔

واضح رہے کہ پارک حالت خستہ ہونے کی وجہ سے یہاں آوارہ جانوروں کا آماجگاہ بنتا جا رہا ہے۔

تو وہیں لوگ اب اس پارک میں آنے سے بھی کتراتے ہیں۔ لوگوں کا کہنا ہے کہ مقامی کونسلر سے متعدد بار شکایت کرنے کے باوجود انہوں نے کبھی بھی اس مسئلے پر کوئی توجہ نہیں دی۔