جنوبی دہلی کے چھتر پورعلاقے کے راج پور خورد ایکسٹینشن میں مرکزی سڑک کی حالت گزشتہ 5 سالوں سے خستہ حال ہے۔ یہاں سڑک پر گڈھے ہیں یا گڈھوں میں سڑک ہے، اس کا اندازہ لگانا مشکل ہے۔
بڑے بڑے گڈھے ہونے سے یہاں سیور کا گندا پانی ہمیشہ بھرا رہتا ہے۔ نیز یہ سڑک خوفناک حادثات کو دعوت دیتی نظر آرہی ہے۔ جو لوگوں کے لئے پریشانی کا باعث بنتا جا رہا ہے۔
ای ٹی وی بھارت کی ٹیم جب یہاں موقع پر پہنچی تو دیکھا سڑک کی حالت کافی بد حال ہے۔
اس سلسلے میں مقامی لوگوں نے بتایا کہ گزشتہ 5 سالوں سے اس سڑک کی یہی حالت ہے۔ اس سڑک پر حادثات رونما ہوتے ہیں اور انہیں نقل و حرکت میں بہت ساری پریشانیوں کا سامنا کرنا پڑتا ہے۔
لوگوں کا کہنا ہے کہ یہاں نالی۔سیورکا پانی 24 گھنٹے مکمل رہتا ہے۔ جس کی وجہ سے انہیں بیماری کا خطرہ ہے۔ اس سلسلے میں متعدد بار مقامی رکن اسمبلی کرتار سنگھ تنور سے شکایت کرنے کے باوجود وہاں سے صرف جھوٹی یقین دہانی کرائی گئی ہے، حل نہیں۔
