اطلاعات کے مطاق ایئرانڈیا بوئنگ 747 چین کے وہان سے بھارتیوں کے انخلا کےلیے حکومت کے فیصلہ کا انتظار کر رہا تھا۔
ایئر انڈیا کے پاس اس وقت 4 ڈبل ڈیکر بوئنگ 747 طیارے ہیں جبکہ اس میں ایک طیارہ کو وہان سے بھارتیوں کے انخلا کےلیے مختص کیا گیا۔ اس طیارہ میں 423 مسافرین کی گنجائش ہے۔
چین میں مہلک کرونا وائرس کے پھیلنے کی بعد متاثرہ شہروں کو مکمل طور پر بند کردیا گیا ہے اور اس وائرس کے کئی دیگر ممالک میں پھیلنے کا بھی اندیشہ ظاہر کیا جارہا ہے۔
سرکاری ذرائع کے مطابق ایئرانڈیا طیارہ میں ڈاکٹرز اور پیرامیڈیکل عملہ کا مناسب انتظام کیا گیا ہے اور اس میں مسافرین اور عملہ کےلیے مناسب مقدار میں ماسک کا بھی انتظام کیا گیا ہے۔
قبل ازیں 1990 میں ایئر انڈیا نے عراق اور کویت میں پھنسے ایک لاکھ سے زائد بھارتیوں کا انخلا عمل میں لایا تھا جو ایک عالمی ریکارڈ ہے۔
