اکالی دل کا کریشی بھون کے نزدیک مظاہرہ

دہلی میں شرومنی اکالی دل نے زرعی اصلاحات سے متعلق قوانین کے خلاف جمعرات کو کریشی بھون کے نزدیک مظاہرہ کیا۔

دارالحکومت دہلی میں اکالی دل کے کارکنان نے کپاس اور مکا کے سلسلے میں احتجاجی مظاہرہ کیا اور حالیہ جاری کردہ زرعی قانون واپس لینے کا مطالبہ کیا۔

اکالی دل کے سینیئر رہنما برکم جیت سنگھ مجیٹھیا اور یوتھ اکالی دل کے بنٹی رومانہ نے مظاہرے کی قیادت کی۔ ان رہنماؤں نے کہا کہ حکومت کو کسانوں کی فصلوں کی کم از کم امدادی قیمت دینے کی گارنٹی یقینی بنانی چاہیے اور کسانوں کے حقوق کے خلاف لائے گئے قانونوں کو واپس لینا چاہیے۔ پولیس نے بعد میں اکالی رہنماؤں کو حراست میں لے لیا۔

واضح رہے کہ شرومنی اکالی دل قومی جمہوریہ اتحاد میں شامل تھی اور اس کی رہنما ہرسمرت کور بادل مودی حکومت میں وزیر تھیں۔ زرعی اصلاحات سے متعلق قوانین پر اختلاف کی وجہ سے اکالی دل اتحاد سے الگ ہوگیا تھا اور محترمہ بادل نے وزیر کے عہدے سے استعفی دے دیا تھا۔