قومی دارالحکومت دہلی کے وزیر اعلی اروند کیجریوال نے کہا ہے کہ تین چیزیں ضروری ہیں۔ پہلا ماسک لگائیں، سماجی دوری پر عمل کریں اور اپنے ہاتھوں کو ہمیشہ صاف رکھیں۔ ایسا کرنے سے کورونا نہیں ہوگا۔
کورونا انفیکشن کے معاملے میں دہلی ریڈ زون میں ہے۔ صورتحال نازک ہے۔ لیکن دہلی کے وزیر اعلی اروند کیجریوال کا کہنا ہے کہ گذشتہ برس جس طرح ان کی حکومت نے ڈینگی کے خلاف مہم چلائی تھی۔ اسی طرح اب ہم دہلی کے عوام کے ساتھ مل کر کورونا کے خلاف جنگ لڑیں گے اور ڈینگی کے طرز پر کورونا کو ختم کریں گے۔
دہلی حکومت نے شراب کی دکانیں کھولنے میں کچھ احتیاط کے ساتھ نرمی دی تھی۔ لیکن آج شراب کی دکانوں پر شراب خریداروں کا ہجوم تھا۔ اس پر وزیر اعلی اروند کیجریوال نے بھی دکانداروں اور شراب خریداروں سے سماجی فاصلے پر عمل کرنے کی اپیل کی۔
کیجریوال نے کہا کہ آج کچھ دکانوں پر بھگدڑ مچا ہوا تھا۔ ایسی صورتحال دوبارہ نہیں آنی چاہئے، ورنہ حکومت کو سخت اقدامات کرنے پڑیں گے۔ انہوں نے لوگوں سے کہا کہ وہ قسم کھائیں کہ وہ کل سے ایسی کوئی سرگرمی نہیں کریں گے۔ دکان کھلی ہوگی اس لیے بھگدڑ کی ضرورت نہیں ہے۔ انہوں نے یہ بھی کہا کہ دکانداروں کو اس کی ذمہ داری لینی چاہئے۔ اگر دکانوں کے سامنے سماجی دوری کی پیروی نہیں کی گئی تو شراب کی دکانوں کو سیل کر دیا جائے گا۔
بتا دیں کہ دہلی ریڈ زون ہونے کے باوجود دہلی حکومت نے آج گرین زون کی طرح دہلی کے سرکاری اور نجی دفاتر اور دکانیں کھولنے کی اجازت دے دی ہیں۔ اس پر بی جے پی اور مرکزی وزیر نے سخت رد عمل کا اظہار کیا۔ لیکن وزیر اعلی کیجریوال ابھی اسے تبدیل کرنے کے موڈ میں نہیں ہیں۔