سواتی مالیوال، تشدد متاثرہ لوگوں سے ملنے پہنچی

دہلی خواتین کمیشن کی صدر سواتی مالیوال، چاند باغ پہنچی جہاں انہوں نے تشدد سے متاثر ہونے والے لوگوں سے ملاقات کی۔

بھاری سکیورٹی اہلکاروں کی موجودگی میں سواتی مالیوال نے تشدد سے متاثر لوگوں سے بات چیت کی اور ان کا حال جانا۔ اس دوران انہیں مخالفت کا بھی سامنا کرنا پڑا۔

حالات کا جائزہ لینے پہنچی سواتی مالیوال نے بتایا کہ میں یہاں خواتین سے حال جاننے پہنچی ہوں، کیونکہ ہمیں اطلاع ملی ہے کہ چاند باغ علاقے میں خواتین کے ساتھ تشدد کی واقعات رونما ہوئے ہیں۔ ہمارے ہیلپ لائن پر بھی لگاتار شکایتیں مل رہی ہیں۔ جنہیں ہم دہلی پولیس کو پہلے ہی سونپ چکے ہیں۔

انہوں نے کہا کہ تشدد کے معاملے جو بھی ملزمین ہیں، ان پر سخت سے سخت کارروائی ہونی چاہئے، تاکہ مستقبل میں اس طرح کے واقعات دوبارہ رونما نہ ہو سکیں۔