دہلی: پانچویں منزلے سے چھلانگ لگا کر خاتون کی خودکشی

قومی دارالحکومت دہلی کے منڈوالی کے علاقے میں 30 سالہ خاتون نے پانچویں منزلے سے چھلانگ لگا کر خودکشی کرلی۔ پولیس نے لاش تحویل میں لے کر پوسٹ مارٹم کے لیے بھیج دیا ہے۔

مشرقی دہلی کے منڈوالی کے علاقے میں گلستاں نامی خاتون نے اپنے پڑوس کی عمارت کی چھت سے چھلانگ لگا کر خودکشی کرلی۔

فی الحال خود کشی کی وجہ نہیں معلوم ہو سکی۔

ہلاک شدہ خاتون گلستاں کے کنبہ کا کہنا ہے کہ 'وہ خود یہ سمجھنے سے قاصر ہیں کہ گلستاں نے کیوں خودکشی کی۔

منڈوالی تھانے کی پولیس نے لاش کو قبضہ میں لے کر پوسٹ مارٹم کے لیے بھیج دیا ہے۔ پوسٹ مارٹم رپورٹ کے بعد ہی پتہ چل سکے گا کہ یہ خودکشی ہے یا قتل؟