'دانش پر قتل کا الزام بے بنیاد'

دہلی پولیس کے ہیڈ کانسٹبل رتن لال کے قتل میں جن ملزمین کو گرفتار کیا گیا ہے، ان میں سے ایک غازی آباد کے لونی علاقے کا رہنے والا ہے۔

لونی میں رہنے والے ملزم دانش کے اہل خانہ کا کہنا ہے کہ پولیس اسے تشدد کے الزام میں گرفتار کرکے لے گئی ہے۔

دانش کے اہل خانہ دانش پر الزامات سے انکار کررہے ہیں۔

دانش لونی کے پریم نگر محلے کا رہنے والا ہے اور اس کی عمر 23 برس ہے، یہاں یہ بات سامنے آئی تھی کہ باہر سے آکر لوگوں نے دہلی میں حالات خراب کیے ہیں جس میں دانش کا نام بھی سامنے آیا ہے اور دانش پر رتن لال کے قتل کا الزام بھی ہے۔

دانش کی بہن کا سسرال دہلی کے بھجن پورا علاقے میں ہے اور دانش کا دہلی آنا جانا کافی زیادہ رہتا تھا۔ دانش کی بہن نے بتایا کہ دانش اسی کے گھر آیا ہوا تھا۔