فسادات کے ملزم کو امتحانات میں شرکت کی اجازت

دہلی کی کڑکڑڈوما عدالت نے دہلی فسادات کے ایک ملزم کو دہلی پولیس کانسٹیبل بھرتی امتحان میں تحویلی پیرول پر شرکت کرنے کی اجازت دے دی ہے۔ ایڈیشنل سیشن جج ونود یادو نے ملزم یوگیش کو امتحان دینے کے لئے سات گھنٹے کی پیرول کے ذریعہ اجازت دی۔

دہلی کی کڑکڑڈوما عدالت نے دہلی فسادات کے ایک ملزم کو دہلی پولیس کانسٹیبل بھرتی امتحان میں تحویلی پیرول پر شرکت کرنے کی اجازت دے دی ہے۔ ایڈیشنل سیشن جج ونود یادو نے ملزم یوگیش کو امتحان دینے کے لئے سات گھنٹے کی محافظ پیرول کے ذریعہ اجازت دی۔

سیشن جج کی جانب سے اجازت دئے جانے پر دہلی پولیس نے احتجاج نہیں کیا۔ دہلی پولیس کی بھرتی کے لئے آج یہ امتحان منعقد ہو رہا ہے۔ قبل ازیں دوران سماعت ملزم کی جانب سے ایڈووکیٹ ایس ایس راجورا نے کہا کہ ملزم کے لئے دوپہر تک امتحانی مرکز جا کر امتحان میں شرکت کرنا ضروری ہے۔ انہوں نے ملزم کو امتحان میں شرکت کرنے کی اجازت طلب کی۔ دہلی پولیس کی جانب سے ایڈووکیٹ ڈی کے بھاٹیا نے ملزم کی اس درخواست پر کوئی اعتراض نہیں کیا۔ انہوں نے کہا کہ ملزم کو امتحان میں شرکت کے لئے کسٹڈیل پیرول پر رہا کیا جاسکتا ہے۔

7 گھنٹے کی کسٹڈی پیرول ملی

کورٹ نے ملزم یوگیش کے لیے حکم دیا کہ امتحان میں حاضر ہونے کے لئے ملزم کو 7 گھنٹے کے کسٹڈی پیرول پر رہا کیا جائے۔ عدالت نے سپرنٹنڈنٹ منڈولی جیل کو ہدایت دی کہ وہ ملزم کا امتحانی داخلہ کارڈ ڈاؤن لوڈ کرے اور امتحان کے متعینہ وقت سے پہلے ہی اسے دوارکا میں واقع امتحانی مرکز لے جانے کے انتظامات کرے۔ عدالت نے امتحان ختم ہونے کے بعد ملزم کو دوبارہ جیل لانے کی ہدایت دی۔ واضح رہے کہ ملزم یوگیش کو دہلی فسادات کے ایک کیس میں گرفتار کیا گیا ہے۔

یہ بھی یاد رہے کہ شمال مشرقی دہلی میں ہونے والے تشدد میں کم از کم 53 افراد ہلاک اور دو سو سے زیادہ لوگ زخمی ہوئے تھے۔ ان فسادات میں شرپسندوں نے نجی اور سرکاری املاک کو شدید نقصان پہنچایا تھا۔