آج 74 ویں یوم آزادی پر پرچم کشائی کی تقریب جامعہ ملیہ اسلامیہ یونیورسٹی کے ڈاکٹر ایم اے۔انصاری آڈیٹوریم کے لان میں منعقد کی گئی تھی جہاں اساتذہ ، نان ٹیچنگ اسٹاف اور جامعہ سینئر سیکنڈری اسکول کے سینئر کلاسز کے چند طلباء ہی شامل ہو سکے، ایسا وبائی مرض کی وجہ سے کیا گیا تھا۔
دہلی: جامعہ میں 74 ویں یوم آزادی پر تقریب قومی پرچم لہرایا گیا ساتھ ہی قومی نغمہ بھی گایا گیا ۔ ایک مختصر سا ثقافتی پروگرام بھی منعقد ہوا جہاں طلباء نے حب الوطنی سے سرشار نغمے گائے اور تقریریں پیش کیں۔جامعہ سینئر سیکنڈری اسکول کے پرنسپل ڈاکٹر عتیق الرحمان نے تمام مہمانوں کا استقبال کیا۔
دہلی: جامعہ میں 74 ویں یوم آزادی پر تقریب اگرچہ کووڈ 19 کی وجہ سے یہ تقریب چھوٹی تھی لیکن پھر بھی یونیورسٹی کے احاطے میں غبارے ، ترنگا، اور پھولوں کے ساتھ ایک تہوار جیسا منظر تھا۔وائس چانسلر پروفیسرنجمہ اختر اور رجسٹرار مسٹراے پی صدیقی (آئی پی ایس) نے سب کو یوم آزادی کی مبارکباد دی۔
دہلی: جامعہ میں 74 ویں یوم آزادی پر تقریب پروفیسر نجمہ اختر نے کہا کہ آزادی ملک کے عظیم سپوتوں کی عظیم قربانیوں کے ذریعہ حاصل ہوئی، جس میں گاندھی جی نے اہم کردار ادا کیا تھا۔ جامعہ ملیہ اسلامیہ عدم تعاون کی تحریک کی گود میں پیدا ہوئی تھی اور اس کے بانیوں نے ملک کی آزادی کے لئے سخت جدوجہد کی آج اس بات کی ضرورت ہے کہ ہم بھی خود کو اپنی قوم کی خدمت کے لئے وقف کر دیں۔
دہلی: جامعہ میں 74 ویں یوم آزادی پر تقریب انہوں نے جامعہ برادری کو بھی مبارکباد پیش کی جن کی کوششوں کی وجہ سے تمام مرکزی یونیورسٹیز میں جامعہ نے نمایاں کارکردگی انجام دی۔ انہوں نے کہا کہ ہمیں نہ صرف اس عظمت کو برقرار رکھنے کی کوشش کرنی چاہئے بلکہ آنے والے سالوں میں بھی اعلی مقاصد کو حاصل کرنے کے لئے کوشاں رہنا چاہئے۔
دہلی: جامعہ میں 74 ویں یوم آزادی پر تقریب اے پی صدیقی نے کہا کہ یہ ہم سب کے لئے خوش بختی کی بات ہے کہ ہماری یونیورسٹی کو ایک قابل خاتون وائس چانسلر اور ایک بہترین ایڈمنسٹریٹر میسر ہے جو یونیورسٹی کو نئی بلندیوں کی طرف لے جا رہی ہیں اور اسے مضبوطی فراہم کر رہی ہیں۔
دہلی: جامعہ میں 74 ویں یوم آزادی پر تقریب
