دہلی میٹروز میں سکیورٹی سخت

یوم جمہوریہ تقاریب کے پیش نظر دارلحکومت دہلی میں سکیورٹی انتظامات سخت کردئے گئےہیں۔

یوم جمہوریہ 26 جنوری کو منعقد ہونے والی تقاریب کے پیش نظر دارلحکومت دہلی میں سیکوریٹی انتظامات کو بڑھادیا گیا ہے۔

دہلی میٹرو ٹرین جس میں لاکھوں مسافرین روزانہ سفر کرتے ہیں، یہاں کے داخلہ اور خروج پر سیکوریٹی فورسز تعینات ہیں، سی سی ٹیوی کو نصب کردیا گیا۔
ڈپٹی کمشنر آف پولیس وکرم پوروال نے کہا کہ دہلی میٹرو اسٹیشنز پر سیکوریٹی کو تعینات کردیا گیا ہے اور ،راونڈ دا کلاک، نگرانی کی جارہی ہے۔
سیکوریٹی میں پولیس کے ساتھ تعاون کرنے کی پولیس نے عوام سے اپیل کی ہے۔ سیکوریٹی امور کے پیش نظر چار میٹرو اسٹیشنز کو یوم جمہوریہ کی پریڈ کے موقع پر بند رکھا جائے گا۔
دہلی پولیس اور سی آئی ایس ایف مشترکہ سیکوریٹی فرائض کو انجام دے رہے ہیں، پلاٹ فارمز اور ٹرینز کے اندر بھی بڑے پیمانے پر چیکنگ کی جارہی ہے۔
دہلی کے سبھی اہم بازاروں، میٹرو اسٹیشنز، ہوائی اڈوں، بس اڈوں، تاریخی اور مذہبی مقامات سمیت بھیڑ بھاڑ والے علاقوں میں حفاظت کے پختہ انتظامات کیے گئے ہیں۔ کئی اہم مقامات کی حفاظت فوج نے اپنے ذمہ لے لی ہے۔ دارلحکومت سے متصل دوسری ریاستوں کی سرحدوں سمیت دیگر اہم مقامات پر چوکسی میں اضافہ کردیا گیا ہے۔