دہلی: سماجی تنظیم نے ٹرانسجینڈرزمیں راشن تقسیم کیا

انڈو گلوبل سوشل سروس سوسائٹی نے دہلی کے اوکھلا میں ٹرانسجینڈرز میں راشن تقسیم کیا۔اس کے علاوہ دوسرے مقامات پر بھی غریبوں اور حاجت مندوں کو راشن و طبی امداد فراہم کی۔

کورونا کے اس وبائی دور میں جہاں لوگوں کی زندگیاں رک چکی ہیں۔ اس وبا کا مقابلہ کرنا اور جیت حاصل کرنا اپنے آپ میں ایک چیلنج بن چکا ہے۔ان ناہموار حالات میں، انڈو گلوبل سوشل سروس سوسائٹی (IGSSS) غیر سرکاری تنظیم جو گذشتہ 60 سالوں سے ملک کی مختلف ریاستوں میں سماجی شعبے میں کام کر رہی ہے، اس کورونا دور میں لوگوں کو ضروری خدمات فراہم کررہی ہے تاکہ عوام کو راحت مل سکے ۔

منگل کے روز مذکورہ تنظیم نےدہلی کے اوکھلا میں ٹرانسجنڈروں کے درمیان راشن تقسیم کیے۔اس کے علاؤہ دوسرے مقامات پر بھی غریبوں اور حاجت مندوں کو راشن و طبی امداد فراہم کی۔

تنظیم نے 12 ریاستوں کے تقریبا 32 اضلاع میں تقریبا 100000 افراد کو خشک راشن کے ساتھ ساتھ صحت سے متعلق تمام قسم کے آلات جیسے آکسیمٹر ، دستانے ، ہینڈ سینیٹائزر ، این 95 ماسک ، ڈیجیٹل بی پی آلہ بھی دیا ہے۔

اس کے علاوہ تھرمل سکینر، گلوکوومیٹر، آکسیجن فلو میٹر، اسٹیتھوسکوپ، پی پی ای کٹ، وغیرہ لوگوں میں تقسیم کئے گئے ہیں۔

تقریبا ایک لاکھ خاندانوں کو امدادی سامان فراہم کیا گیا ہے۔ ان کی ترجیح مزدوروں، کسانوں اور غریبوں کی مدد کرنا ہے۔