جامعہ تشدد: پولیس نے 70 افراد کی تصاویر جاری کیں

دہلی پولیس نے جامعہ ملیہ اسلامیہ یونیورسٹی کے قریب سی اے اے کے خلاف ہوئے پرتشدد احتجاج میں ملوث 70 افراد کی تصاویر کو جاری کیا ہے۔

گذشتہ سال 15 دسمبر کو ہوئے پرتشدد احتجاج کے سلسلہ میں متعدد ایف آئی آر درج کی گئی ہے جبکہ دہلی پولیس کی کرائم برانچ اس معاملہ کی تحقیقات کر رہی ہے۔

واضح رہے کہ 15 دسمبر کے احتجاج کے بعد پولیس نے جامعہ ملیہ اسلامیہ یونیورسٹی کے احاطہ میں گھس کر مبینہ طور پر طلبا کو نشانہ بناتے ہوئے ان پر زیادتی کی تھی اور لائبریری میں آنسو گیاس کے گولے فائر کئے تھے۔

بعدازاں یہ انکشاف ہوا تھا کہ پرتشدد احتجاج میں جامعہ کے طلبا شامل نہیں تھے بلکہ دوسرے افراد تشدد کے واقعات میں ملوث تھے۔