دہلی میں کال سنٹر پر چھاپہ

دار الحکومت دہلی کے کرول باغ میں واقع ایلا مومنٹ نامی کال سنٹر پر چھاپہ مارکر سیل کر دیا گیا۔

ذرائع کے مطابق اس کال سینٹر میں آئی وی ایف کے ذریعہ خواتین کو لڑکا پیدا کرنے کے لیے بیرون ملک بھیجا جاتا تھا، اور ایک خاتون سے تقریبا نو لاکھ روپے لیے جاتے تھے۔

واضح رہے کہ یہاں پر وہ خواتین رابطہ کرتی تھی جن کو لڑکے کی چاہ رہتی تھی۔

ذرائع کے مطابق ان خواتین کو دبئی، سنگاپور اور تھائی لینڈ بھیجا جاتا تھا۔

اس کال سینٹر کا مالک ایک آئی آئی ٹی انجینیئر بتایا جا رہا ہے۔ اس کال سینٹر میں تقریبا تین سو لوگ کام کرتے تھے اور اب تک چھ لاکھ مریضوں کو بیرونی ملک بھیج چکا ہے۔

محکمہ صحت اور ایس ڈی ایم نے مشترکہ کارروائی کی۔