دہلی میں 15 اگست کے پیش نظر ہائی الرٹ

دہلی پولیس 15 اگست کو لے کر کافی محتاط انداز میں کام کر رہی ہے۔ دہلی کے مختلف علاقوں میں دہلی پولیس بیریکیڈ لگا کر چیکنگ کر رہی ہے۔ ایسا ہی منظر دہلی کے ککرولا علاقے میں بھی دیکھا گیا، جہاں پولیس دن رات گاڑیوں کی سخت چیکنگ کر رہی ہے۔

دارالحکومت دہلی میں 15 اگست کے پیش نظر چوکسی برتی جا رہی ہے۔ جیسے جیسے 15 اگست قریب آ رہا ہے۔ ٹھیک اسی طرح پولیس بھی مزید چوکس ہوگئی ہے اور مختلف علاقوں میں بیریکیڈ لگا کر گاڑیوں کی چیکنگ کر رہی ہے۔

ان تصویروں میں آپ دیکھ سکتے ہیں کہ شام کے وقت موہن گارڈن کے ایس ایچ او بلجیت سنگھ کی نگرانی میں پولیس کی ٹیم نے ککرولہ میں بیریکیڈ لگا کر گاڑیوں کی چیکنگ شروع کر دی ہے۔ اس دوران وہاں سے گزرنے والی تمام چھوٹی بڑی گاڑیوں پر کڑی نگرانی کی جارہی ہے، اسی طرح مشکوک گاڑیاں بھی روکی جارہی ہیں۔