دیویندر سنگھ کے خلاف ایف آئی آر درج

عسکریت پسندوں سے روابط رکھنے کے الزام میں گرفتار شدہ معطل ڈی ایس پی دیویندر سنگھ کے خلاف دہلی پولیس کی خصوصی سیل نے ایف آئی آر درج کی ہے۔

ذرائع سے ملی اطلاع کے مطابق جموں کشمیر پولیس سے معطل شدہ ڈی ایس پی دیویندر سنگھ کو چند ماہ قبل عسکریت پسندوں سے روابط رکھنے کے الزام میں گرفتار کیا گیا تھا۔

واضح رہے کہ دیویندر سنگھ کو اس وقت گرفتار کیا گیا تھا جب وہ دو عسکریت پسندوں کے ساتھ جارہا تھا۔

دیویندر سنگھ پر عسکریت پسندوں کو پناہ دینے کا الزام ہے۔اس کے علاوہ اس کے مکان سے ہتھیار بھی بر آمد ہوئے تھے ۔جموں پولیس کے علاوہ این آئی اے بھی اس سے پوچھ گچھ کر چکی ہے۔ اب اس کے خلاف دہلی پولیس کی اسپیشل سیل نے ایف آئی آر درج کی ہے ۔سازش رچنے کے دفعہ کے تحت ایف آئی آر درج کی گئی ہیں۔

خصوصی سیل کے ذریعہ درج کی گئی ایف آئی آر میں یہ بتایا گیا ہے کہ ایف آئی آر میں انڈر ورلڈ کی ڈی ۔ کمپنی کا بھی ذکر ہے۔

اس میں بتایا گیا ہے کہ ڈی کمپنی خالصتانی شدت پسندوں کو مالی امداد کر رہی ہے۔

وہ آر ایس ایس رہنماوں کے قتل کے لئے بھی سازش رچ رہے ہیں۔اس پورے معاملہ کو لے کر خصوصی سیل اب دیویندر سنگھ سے بھی پوچھ گچھ کریگی۔