غیرقانونی مساجد سے متعلق تحقیقاتی کمیٹی کی تشکیل

مغربی دہلی کی اقلیتی کمیشن نے بھارتیہ جنتا پارٹی کے رکن پارلیمان پرویش ورما کی غیر قانونی مساجد کے دعوے کی جانچ کے لیے ایک تحقیقاتی کمیٹی تشکیل کی ہے۔

پرویش ورما نے دعوی کیا تھا کہ مغربی دہلی میں سرکاری زمینوں پر مساجد بنائی جا رہی ہیں ۔
اس معاملے میں کمیشن نے پانچ رکنی کمیٹی بنائی ہے، جس کے صدر حقوق انسانی کے کارکن اویس سلطان خان اور ممبران میں سکھ گوردوارہ پر بندھک کمیٹی کے رکنگورمیندر سنگھ مٹھارو اور سماجی کارکن ڈاکٹر ڈنزیل فرنانڈیز، انکور اوٹو اور صحافی رئیس احمد ہیں۔
کمیٹی کو دس دن میں دہلی کے مختلف علاقوں کا جائزہ لے کر اپنی رپورٹ کمیشن کو دینی ہے۔
ڈاکٹر ظفرالاسلام خان نے کہا کہ دہلی کمیشن سرکاری زمینوں پر کسی غیر قانونی قبضے کی تائید نہیں کرتا لیکن مسئلے کو جس طرح سے اٹھایا گیا ہے اس سے ایک خاص طبقے کے خلاف ماحول بنانے کی کوشش کی گئی ہے جو کہ ناقابل قبول ہے۔