جے این یو معاملہ: جے این یو ایس یو کا اجلاس جاری

جے این یو ایس یو کی سربراہ آئشی گھوش اور وزارت تعلیم سے کے سیکریٹری امت کھرے کے درمیان ایک طویل میٹنگ ہوئی اس کے بعد آئشی گھوش کی دیگر سینیئر سیکریٹریزکے ساتھ ملاقات جاری ہے۔ گزشتہ روز بھی جے این یو ایس یو نے وزرات تعلیم کے سیکریٹری کے ساتھ میٹنگ کی تھی لیکن میٹنگ نتیجہ خیز نہیں رہا تھا۔

طلبا نے وزارت تعلیم سے یونیوسرٹی کے وائس چانسلر کو معطل کرنے کی مانگ کی تھی جسے وزارت تعلیم کے سیکریٹری نے تسلیم نہیں کیا تھا۔ اس کے بعد طلبا نے راشٹرپتی بھون کی جانب مارچ شروع کر دیا تھا، طلبا جیسے ہی جن پتھ روڈ پر پہنچے پولیس نے لاٹھی چارج کر دی اور نمتعدد طلبا کو حراست میں لے لیا تھا۔

جے این یو ایس یو اب تک فیس میں اضافہ کو واپس لینے کا مطالبہ کر رہی تھی، مگر اب یہ لڑائی کیمپس میں ہوئے تشدد اور وائس چانسلر جگدیش کمار کی معطلی پر چل پڑی ہے۔