Physical Hearings in Delhi HC: دہلی ہائی کورٹ میں فزیکل سماعت شروع

دہلی ہائی کورٹ (Delhi HC) نے 22 نومبر سے فزیکلی سماعت (Physical Hearings) شروع کردی ہے۔ گذشتہ سال کے مارچ سے مقدمات کی سماعت ویڈیو کانفرنس کے توسط سے ہو رہی تھی۔ عدالت میں آنے والے سبھی افراد کو ماسک پہننا لازمی قرار دیا گیا ہے۔

دہلی: کورونا وبا سے متعلق ضوابط (Corona Guidelines) پر عمل درآمد کرتے ہوئے دہلی ہائی کورٹ (Delhi HC) نے 22 نومبر سے فزیکلی سماعت شروع کردی ہے۔

کورونا بحران کی وجہ 2020 سے سماعت ویڈیو کانفرنس کے توسط سے ہائی کورٹ میں چل رہی تھی، لیکن اب پھر سے تمام رہنما اصول کو اپناتے ہوئے سماعت شروع ہوگئی ہے۔

Physical Hearings in Delhi HC: دہلی ہائی کورٹ میں فزیکل سماعت شروع

قابل ذکر ہے کہ گزشتہ سال کے مارچ سے مقدمات کی سماعت ویڈیو کانفرنس کے توسط سے ہو رہی تھی۔ ہائی کورٹ کے رجسٹرار جنرل منوج جین نے رہنما اصول جاری کرتے ہوئے کہا ہے کہ عدالت میں آنے والے سبھی افراد کو ماسک پہننا لازمی قرار دیا گیا ہے اور عدالت کے احاطہ کے اندر کم سے کم 2 گز کی مسافت طے کے ضوابط پر بھی عمل پیرا ہونالازمی ہے۔

انہوں نے مزید بتایا کہ لوگوں کو تھرمل جانچ بھی کرانی ہوگی نیز وقتاً فوقتاً ہاتھوں کا سینیٹائزیشن بھی کرنا ہوگا۔ لفٹ کم سے کم استعمال کرنے اور اس میں 3 شخص کو ایک ساتھ جانے کی اجازت ہوگی۔

انہوں نے کہا کہ سماعت مکمل ہونے کے بعد متعلقہ وکیل کو بلا تاخیر عدالت روم سے باہر جانا ہوگا۔ عدالت روم میں اسی وکیل کو آنےکی اجازت ہوگی جس کا وکالت ریکارڈ پر ہوگا۔ اس کے ساتھ ایک جونیئر وکیل ساتھ رہ سکتا ہے۔