دہلی: محکمہ صحت کے تمام ملازمین کی چھٹیاں منسوخ

دہلی میں کورونا کے بڑھتے کیسز کو دیکھتے ہوئے اب دہلی کے محکمہ صحت نے اپنے تمام طبی عملہ کی چھٹیاں منسوخ کر دی ہیں۔ اس کے ساتھ ہی محکمہ نے ایسے تمام ملازمین کو ہدایت کی ہے جو فی الحال چھٹی پر ہیں کہ وہ اپنے دفتر میں فوری اطلاع دیں۔

قومی دارالحکومت دہلی میں کورونا وائرس کا قہر جاری ہے اس کے پیش نظر دہلی محکمہ صحت نے اپنے تمام کارکنان کی چھٹیاں منسوخ کر دی ہیں۔

محکمہ صحت کے تمام ملازمین کی چھٹیاں منسوخ

دہلی میں کورونا مریضوں کے بڑھتے ہوئے گراف کے پیش نظر دہلی حکومت کے محکمہ صحت نے ایک حکم جاری کیا ہے۔ اس حکم میں محکمہ نے اپنے تمام ملازمین اور افسران کی تعطیلات منسوخ کر دی ہیں۔ حکم نامے میں کہا گیا ہے کہ فی الحال کوئی بھی ملازم یا افسر جو کسی بھی طرح کی چھٹی پر ہیں فوری طور پر اپنے دفتر میں اطلاع دیں۔ محکمہ نے اپنے آرڈر میں ذکر کیا ہے کہ آنے والے وقتوں میں کسی کو صرف اسی صورت میں چھٹی ملے گی جب بہت ہی زیادہ ضروری ہوں گے۔

بتا دیں کہ حکومت نے جو اندازہ لگایا ہے اس کے مطابق جولائی تک دہلی میں کورونا مریضوں کی تعداد لاکھوں میں پہنچنے کی توقع ہے۔ اتنے سارے مریضوں کو بیڈ فراہم کرنے کے لیے حکومت ہوٹلوں اور ہالوں کے ساتھ ساتھ مذہبی اور روحانی مقامات پر ایک عارضی ہسپتال بنانے کی کوشش کر رہی ہے۔ لیکن ان جگہوں پر صرف بیڈ دستیاب ہو پائیں گے، محکمہ کو انسانی وسائل کے لیے اپنے ملازمین پر انحصار کرنا ہوگا۔