دہلی حج کمیٹی کی تشکیل میں سست روی

قومی دارالحکومت دہلی کے بین الااقوامی ہوائی اڈے سے حج کی پہلی پرواز 4 جولائی کو روانہ ہوگی مگر اب تک دہلی میں حج کمیٹی کی تشکیل نہیں ہوئی ہے۔

سولہ مارچ کو دہلی حج کمیٹی کی مدت ختم ہوگئی تھی جس کے بعد اب تک دہلی حکومت نے نئی کمیٹی نہیں بنائی ہے حالانکہ حج کے لیے پروازوں کا سلسلہ جولائی سے شروع ہونے والا ہے اور دہلی کے امبارکیشن پوائنٹز سے تقریباً 6 صوبوں بشمول پڑوسی ریاستوں کے عازمین سفر حج پر روانہ ہوتے ہیں۔

ان کے لیے بڑے پیمانے پر انتظامات بھی کرنے ہوتے ہیں، شاید یہی وجہ ہے کہ دہلی حج کمیٹی کے اہلکاروں کے ہاتھ پیر پھول رہے ہیں۔

ذرائع کے مطابق کمیٹی کی عدم موجودگی کی وجہ سے تیز رفتار منظوری نہیں ہو پاتی ہے جس کی وجہ سے بعد میں مسائل پیش آتے ہیں۔