قومی دارالحکومت دہلی میں کورونا وائرس کے دوران میونسپل کارپوریشن کے ملازمین تنخواہ نہ ملنے سے پریشان ہیں۔ اس کے باوجود اپنے فرائض کو انجام دے رہے ہیں۔ نائب وزیراعلی منیش سیسودیا نے کارپوریشن کے اہلکاروں کی تنخواہ کے لیے 1051 کروڑ کا فنڈ جاری کیا ہے۔
ڈیجیٹل پریس کانفرنس سے خطاب کرتے ہوئے نائب وزیر اعلیٰ منیش سیسودیا نے کہا کہ یہ پریشان کن وقت ہے۔ کورونا سے لڑنے کے لیے پوری کوشش جاری ہے۔ ہمارے پاس وسائل بھی کم ہیں اور محصولات میں کمی آرہی ہے۔
نائب وزیر اعلیٰ نے مزید کہا کہ اس صورتحال میں بھی وزیر اعلیٰ کیجریوال نے کہا ہے کہ اگرچہ وسائل کم ہیں لیکن ہم ایسے کارکنان کو تنخواہ ضرور دیں گے۔ آج دہلی حکومت نے میونسپل کارپوریشن کے لیے 1051 کروڑ روپے کی رقم جاری کردی ہے۔
مشرقی دہلی میونسپل کارپوریشن کو 367 کروڑ، شمالی دہلی میونسپل کارپوریشن کو 432 کروڑ اور جنوبی دہلی میونسپل کارپوریشن کو 252 کروڑ روپے دینے کا اعلان کیے ہیں۔
سیسودیا نے کہا کہ ہم امید کرتے ہیں کہ کارپوریشن اب ان کارکنوں کو تنخواہ دے سکے گی جن کو ابھی تک تنخواہ نہیں دی گئی ہے۔