'بی جے پی حکومت بنتے ہی شاہین باغ کا احتجاج ختم ہوجائے گا'

دارالحکومت دہلی میں اسمبلی انتخابات کو مدنظر رکھتے ہوئے جموں و کشمیر کے بی جے پی صدر رویندر رینا دہلی میں انتخابی مہم کررہے ہیں، اس سلسلے میں انہوں نے ای ٹی وی بھارت سے بات چیت کی۔

دہلی میں اسمبلی انتخابات کے لیے تمام سیاسی جماعتیں مسلسل انتخابی مہم میں مصروف ہیں، اسی سلسلے میں جموں و کشمیر کے بی جے پی صدر رویندر رینا بھی دہلی میں انتخابی مہم کررہے ہیں۔

ای ٹی وی بھارت سےبات چیت کے دوران رویندر رینا نے کہا کہ اس مرتبہ دہلی میں بی جے پی ہی اقتدار میں آئے گی۔
انہوں نے کہا کہ شاہین باغ میں پاکستان کے نعرے لگ رہے ہیں، ان کو جناح کا جادو چاہیے۔لیکن ان سب چیزوں کا جواب عوام ضرور دے گی۔عوام 8 فروری کو ایسی جماعتوں کا سرجیکل اسٹرائیک کرے گی۔دہلی میں بی جے پی کی حکومت بنتے ہی ایک گھنٹے کے بعد شاہین باغ سے احتجاج ختم ہوجائے گا۔
واضح رہے کہ رویندر رینا جموں و کشمیر بی جے پی صدر ہیں اور وہ دہلی میں بی جے پی کے لیے انتخابی مہم کررہے ہیں۔