دہلی :سڑک پر ڈلیوری کے بعد اسپتال کے خلاف کارروائی کی مانگ

دارالحکومت دہلی کے جامع مسجد علاقے میں واقع ایم سی ڈی کے کستوربا گاندھی اسپتال کے باہر ایک حاملہ خاتون کی سڑک پر ڈلیوری ہونے کا معاملہ سامنے آیا تھا.جس کے بعد اب مقامی کونسلر راکیش کمار نے کستوربا گاندھی اسپتال کے معاملے کو ہاوس میں اٹھانے کا فیصلہ کرتے ہوئے میئر اور حزب اختلاف کے رہنما سے شکایت کی ہے.

کستوربا گاندھی معاملے پر اب سیاست تیز ہو گئی ہے یہ اسپتال ایم سی ڈی کے زیر انتظام آتا ہے لیکن اسپتال انتظامیہ کے برتاؤ کی متعدد دفعہ شکایت سامنے آئی ہیں۔

اس بار مقامی کونسلر راکیش کمار نے کستوربا گاندھی اسپتال کے معاملے کو ہاوس میں اٹھانے کا فیصلہ کرتے ہوئے میئر اور حزب اختلاف کے رہنما سے شکایت کی ہے.

ان کا کہنا ہے کہ ایم سی ڈی اپنے اسپتالوں کو صحیح طریقے سے چلانے میں کامیاب نہیں ہوپا رہی ہے تو ایم سی ڈی کو چاہیے کہ اس کا انتظامیہ دہلی حکومت کے حوالے کر دیا جائے تاکہ پرانی دہلی کی عوام کو پریشانیوں سے نجات دلائی جا سکے.

راکیش کمار نے بتایا کہ گذشتہ دن ایک حاملہ خاتون کو شام کے وقت الٹرا ساؤنڈ کرانے کے لیے سڑک پر چھوڑ دیا جس کے بعد خاتون کی حالت بگڑی اور حمل کے دوران ہی بچہ کی موت ہو گئی.